Putaway Process (Warehouse ထဲမှာ ပစ္စည်းများကို သူ့နေရာ နှင့် သူ နေရာချခြင်း)

Putaway (Warehouse ထဲမှာ ပစ္စည်းများကို သူ့နေရာ နှင့် သူ နေရာချခြင်း)

Incoming ပစ္စည်းတွေကို ချယူ/လက်ခံထားပြီး Receiving Area မှာ ခဏ ချ/ပုံ ထားတဲ့ ပစ္စည်းတွေကို Warehouse ထဲမှာ သူ့နေရာနှင့်သူ နေရာချတာ ကို Putway လို့ ခေါ်တာပါ၊ ဒါကြောင့် Putaway လုပ်ငန်းစဉ်ဟာ Receiving နဲ့ တိုက်ရိုက်ဆက်စပ်နေပါတယ်။

Putaway မလုပ်မှီ ပစ္စည်း ဝင်ထွက်နှုန်းပေါ် မူတည်ပြီး အုပ်စုခွဲခြား သတ်မှတ်ခြင်း

ပစ္စည်းချ / လက်ခံခဲ့တုံးက ပစ္စည်းအမျိုးအစားလိုက် ခွဲထားပြီး Receiving Area မှာခဏ ချ / ပုံထားတဲ့ ပစ္စည်းတွေကို Putaway မလုပ်ခင်၊ ပစ္စည်း ဝင်ထွက်နှုန်းပေါ် မူတည်ပြီး အနည်းဆုံး အုပ်စု (၃)စု ခွဲသင့်ပါတယ်။ ဥပမာ - ရေချိုးခန်းသုံးပစ္စည်း များကို လက်ခံပြီး Putaway လုပ်ကြမယ် ဆိုပါစို့၊ ပထမဦးစွာ အောက်မှာ ဥပမာပြထားတဲ့ ဇယားထဲကလို အုပ်စုအရင်ခွဲပါ။

အုပ်စုခွဲပြီး Putaway ပြုလုပ်ခြင်း

အုပ်စုခွဲပြီးပြီးပါက၊

• အဝင်အထွက် အများဆုံးပစ္စည်း A-အုပ်စု ကို Picking ကောက်လို့ အလွယ်ဆုံးနေရာမှာထားပါ။
• ဖြစ်နိုင်ရင် Picking ကောက်တဲ့အခါ ဘယ်၊ညာ ကောက်လို့ရအောင် - ပစ္စည်းတွေကို လျှောက်လမ်းရဲ့ မျက်နှာခြင်းဆိုင် သို့မဟုတ် “U” Shape အနေအထား ထားနိုင်ရင် အကောင်းဆုံးပါပဲ။ 
• Racking ပေါ်မှာထားရင် တင်လို့ချလို့ အလွယ်ဆုံးနေရာ၊ အနိမ့်ဆုံးအလွှာ တွေမှာထားပါ။
• နေရာမလောက်လို့  တစ်နေရာထက် ပိုထားရရင်လဲ ရွှေ့၊ပြောင်းလို့ လွယ်တဲ့ နေရာမှာထားပါ။
• အဝင်အထွက် ပုံမှန်ပစ္စည်း B-အုပ်စု နှင့် အနည်းဆုံး C-အုပ်စု ကိုလည်း အောက်ပါပုံထဲမှာ ပြထားတဲ့ဥပမာအတိုင်း နေရာချနိုင်ရင်ကောင်းပါတယ်။ 

 

ပစ္စည်း ဝင်ထွက်နှုန်းပေါ် မူတည်ပြီး A,B,C အုပ်စု သုံးစုခွဲခြားပြီး Putaway (နေရာချ) ထားပုံ

အထက်ပါ Putaway စနစ်ကို Racking Warehouse မဟုတ်ပဲ ပုံမှန် ကြမ်းပြင်ပေါ်မှာပဲ ပဲလက်နှင့်ထားတဲ့ Warehouse များ၊ Distributor တွေရဲ့ စတိုတွေသာမက၊ ကုန်စုံဆိုင် / စတိုးဆိုင်တွေမှာလည်း ပစ္စည်း တွေနေရာချတဲ့အခါ မှာလည်း အကျိုးရှိရှိ အသုံးပြုနိုင်ပါတယ်။

Post-Putaway (Putaway လုပ်ပြီး ဆက်လုပ်သင့် အရာများ)

1. ဝင်/ထွက် အုပ်စုမတူပေမယ့် ပစ္စည်းအမျိုးအစားတူလို့ဆိုပြီး အတူတူရောထားလိုက်တယ်ဆိုရင် - Picking ကောက်တဲ့ အချိန်ကြာတာ၊ လမ်းကြောင်းရှည်သွားတာမျိုး ဖြစ်နိုင်တာကြောင့် တတ်နိုင်သမျှ အုပ်စုတူတာခြင်း ထားပါ။
2. အဝင်အထွက်အများဆုံး ပစ္စည်းစာရင်း / အမျိုးအစားများဟာ ပုံမှန်အတိုင်း ရှိမနေပဲ ရာသီအလိုက် ပြောင်းလဲလေ့ရှိပါတယ်။ (ဥပမာ၊ နွေရာသီမှာ ဝင်/ထွက်များတဲ့ အုပ်စု-A ရေချိုးခန်းသုံးပစ္စည်းများ က ဆောင်းရာသီမှာ အုပ်စု-B ဖြစ်သွားနိုင်ပါတယ်။)
3. အဲဒါကြောင့် Put-Away လုပ်တဲ့အခါ တစ်သမတ်ထည်း မလုပ်သင့်ပဲ  လက်ရှိဝင်/ထွက်နေတဲ့ ပစ္စည်း အမျိုးအစား / အရေအတွက်ပေါ်မူတည်ပြီး - အုပ်စု ပြောင်းလဲ သတ်မှတ်ကာ နေရာလဲ / နေရာချသင့်ပါတယ်။
4. ပစ္စည်းဝင်/ထွက် အနေအထားကို အနည်းဆုံး သုံးလတစ်ကြိမ်လောက်စီစစ်ပြီး - Putaway နေရာများကို ပြောင်းလဲ သင့်ပါတယ်။
5. အဲလို နေရာပြောင်း၊ရွှေ့ရတာဟာ အလုပ်ရှုတ် / အလုပ်ပို တယ် လို့ထင်ရပေမယ့် နေ့စဉ် ပစ္စည်းကောက်တဲ့ အခါမှာ သက်သာ၊ လွယ်ကူ၊ မြန်ဆန် တဲ့ အကျိုးကို ခံရမှာပါ။

ကျနော့ရဲ့ Blog / Page ဟာ Knowledge Sharing (ဗဟုသုတ မျှဝေခြင်း) သက်သက်သာဖြစ်လို့ ပိုမို ပြည့်စုံသွားအောင် မိတ်ဆွေတို့လည်း Comment Box မှာ ဝင်ရောက်ဆွေးနွေးသွားပါဦး။

လွပ်လပ်စွာ Share နိုင်ပါတယ်ဗျ၊ ကော်ပီ တော့ မကူးပါနဲ့လား။

God Bless You 🙏

Zarni Oo (Progistics)

https://progistics.blogspot.com/

ဆက်စပ် ဆောင်းပါး၊ Blog များ

1. စကားမပြောသော အမှန်တရားများနှင့် ကခုန်ခြင်း - အပိုင်း ( ၁ )
2. What is the process of FIFO & LIFO (FIFO & LIFO အကြောင်း)
3. Warehousing ဆိုင်ရာ အခြေခံ ဝေါဟာရ၊ အသုံးအနှုန်းများ (Basic Warehousing Terms )
4. Cycle Count Vs. Annual Stock Count ကွဲပြားချက် နှင့် အားနည်းချက်၊ အားသာချက်များ
5. စတော့ ဘယ်လိုကောက်ကြမလဲ - Stock Count Procedure
6. ပဲလက် ပေါ် ဂျပ်ပုံး ခွေခြင်း,  Carton Stacking Method on Pallet
7. Brief of Logistics (Logistics အကြောင်း လို၊ တို၊ ရှင်း)

8. Part (1) Warehouse ထဲက ပစ္စည်းထုတ်ပေးတဲ့အခါ အပြေ (Loose) တွေထုတ်ပေး နေရရင် Stock စစ်တဲ့အခါ လွယ်/ကိုက်အောင် ဘယ်လိုလုပ်မလဲ?

9.  Part (2) Warehouse ထဲက ပစ္စည်းထုတ်ပေးတဲ့အခါ အပြေ (Loose) တွေလည်း ထုတ်မယ်၊ Stock စစ်ရင်လည်း ကိုက်အောင် လုပ်ကြမယ်။
10. ပဲလက် မှိုတက် (Mold On The Pallet)
11. Unloading and Receiving (ပစ္စည်းချခြင်းနှင့် ပစ္စည်းလက်ခံခြင်း)