Delivery Processes (Planning, Scheduling and Delivering)

 Delivery Processes (Planning, Scheduling and Delivering)

ဒီအခန်းမှာ ဖော်ပြမယ့် Sales Order Delivery Process တွေဖြစ်တဲ့ ပစ္စည်းမပို့ခင် ပြင်ဆင်ခြင်း၊ လမ်းကြောင်းဆွဲခြင်း နှင့် ပို့ရမယ့် အချိန်ဇယားကို စီစဉ်ခြင်းတို့တွင် လုပ်ဆောင်ရမည့်အဆင့်များစွာ ပါဝင်ပါတယ်။ အဲဒီလုပ်ငန်းစဉ်တွေကို ထိရောက်မှုရှိစေရန် နဲ့ Customer ရဲ့စိတ်ကြေနပ်မှုရရှိစေရန်အတွက် Warehouse  Dispatch Team က ပို့ရမယ့် ပစ္စည်းတွေကို Delivery Team က လက်ခံပြီးတာနှင့် အောက်ပါအချက်တွေ လုပ်ဆောင်ရမှာဖြစ်ပါတယ်။

1. လိုအပ်သော အချက်အလက်များကို စုဆောင်း စီစစ်ခြင်း

အောက်ပါ အချက်အလက်များကို စုဆောင်းပြီး စီစစ်ပါ။

• ပို့ဆောင်ရမယ့် အော်ဒါများ၊ လိပ်စာများ စာရင်း။
• Customer များ (သို့မဟုတ်) ကားဂိတ်များရဲ့ ပစ္စည်းလက်ခံနိုင်သောအချိန်။
• ကားအမျိုးအစား နဲ့ တင်နိုင် (ဆံ့နိုင်)တဲ့တန်ချိန်။
• ယာဉ်မောင်းရရှိနိုင်မှု နဲ့ သူတို့၏အလုပ်ချိန်။
• ပို့ရမယ့်နေ့မှာ ဖြစ်နိုင်တဲ့ ယာဉ်ကြောအခြေအနေများနှင့် နှောင့်နှေးမှုများ။
• ပို့ဆောင်ရန်နေရာတစ်ခုစီကြား အကွာအဝေးနှင့် ကားမောင်းရန်ကြာချိန်။

2. Sales Order များကို အုပ်စုခွဲခြင်း

ပို့ရမယ့် အော်ဒါများကို အုပ်စုခွဲတဲ့အခါမှာ

• Customer များ၊ ကားဂိတ်များ၏ ပစ္စည်းလက်ခံနိုင်မယ့်အချိန်၊ (နေ့လည်၊ ညနေ (၅)နာရီ ရှေ့ပိုင်း၊ စသည်)
• အရေးတကြီး ပို့ပေးရမယ့်အော်ဒါ၊ 
• ပျက်စီးဆုံးရှုံးလွယ်တဲ့ ပစ္စည်းများ နှင့်
• နယ်မြေ အနေအထားအလိုက် လမ်းကြောင်းသင့်တဲ့ လိပ်စာ / Location များ စသည်တို့ကို ရွေးချယ်ပြီး အုပ်စုခွဲပါ။

3. ပို့ဆောင်ရန်လမ်းကြောင်း (Delivery Route) များကို အတိုဆုံးနှင့်အမြန်ဆုံးဖြစ်အောင် ဆွဲခြင်း

Delivery လမ်းကြောင်းဆွဲတဲ့အခါ အခြေခံအနေနဲ့ ပုံမှာပြထားတဲ့အတိုင်းဖြစ်အောင် အတတ်နိုင်ဆုံးဆွဲပါ။ ဒါပေမယ့် ပိတ်ထားတဲ့လမ်းတွေ၊ အပေါ် (အမှတ်စဉ် (၂)) မှာ ဖေါ်ပြထားတဲ့ အကြောင်းအရာတွေကို ထည့်သွင်းစဉ်းစားပြီးမှ အထိရောက်ဆုံး အတိုဆုံး လမ်းကြောင်းဖြစ်အောင်ဆွဲပါ။

Delivery ကားရဲ့ Size နဲ့ တင်နိုင်တဲ့ဝန်၊ သွားပို့တဲ့ Delivery Team ရဲ့အလုပ်ချိန် နဲ့ OT ဆင်းလို့ရမရ၊​ လမ်းကြောင်းတစ်ခေါက်ကို အချိန်ဘယ်လောက် ပေးနိုင်လဲဆိုတာတွေကိုလည်း ထည့်သွင်းစဉ်းစားရမှာပါ။

4. Delivery Schedule (ပို့ဆောင်မှုအချိန်ဇယား) သတ်မှတ်ခြင်း

Delivery Schedule ဆွဲတဲ့အခါ အရောင်းအဖွဲ့ (Sales Team)၊ Warehouse Team နဲ့ Delivery Team တို့ သုံးဖွဲ့ညှိနိုင်းပြီးမှ ဆွဲပါ။ Delivery Shcedule ဆွဲတဲ့အခါ အောက်ပါအချက်တွေကို ထည့်သွင်းစဉ်းစားပါ။

• မိမိမှာရှိတဲ့ Delivery ကားအရေအတွက်ပေါ်မူတည်ပြီး ကားတစ်စီးကို တစ်နေ့မှာ ဘယ်နှကြောင်းသွားသင့်လဲ၊
• အမှတ်စဉ် (၂) မှာ ခွဲထားတဲ့ အုပ်စုများ၊
• Buffer Time – တစ်နေရာ မှ တစ်နေရာ ကူးတဲ့အခါမှာ မမျှော်လင့်ထားတဲ့ အသွားအလာ နှောင့်နှေးမှုများ (ကားပိတ်/ လမ်းပိတ်)အတွက် အချိန် ကိုလည်းထည့် တွက်ရပါမယ်။     

Delivery Scheduel ဆွဲပြီးပါက  ယာဉ်မောင်းများကို သူတို့နဲ့ သက်ဆိုင်တဲ့ အချိန်ဇယား နဲ့ လမ်းကြောင်းများကို ကြိုပြောပြီး၊ Customer များ / ကားဂိတ်များကိုလည်း ပစ္စည်းလာပို့မယ့်အချိန် (ခန့်မှန်း) ကိုလည်း အကြောင်းကြားထားပါ။

5. ဆွဲထားတဲ့ Delivery Schedule များ အဆင်ပြေ၊ မပြေ စောင့်ကြည့်ခြင်းနှင့် ၊ ပြင်ဆင်ခြင်း

အချိန်နှင့်တပြေးညီ ပို့ဆောင်ပေးနိုင်မှုတိုးတက်စေရန် ဆွဲထားတဲ့ Delivery လမ်းကြောင်းတွေ၊ Schedule တွေ အဆင်ပြေမပြေ ဆိုတာကို အမြဲစောင့်ကြည့် သုံးသပ် နေရပါမယ်။ Delivery ကားတွေမှာ GPS တပ်ထားပြီး GPS software ကနေ စောင်ကြည့် သုံးသပ်ပါက ပိုပြီးထိရောက်ပါတယ်။

Delivery ကား Driver များ၊ Customer များရဲ့ အကြံပေးချက်၊ Feedback ကိုလည်း ရယူပါ။

စောင့်ကြည့်သုံးသပ်တဲ့အခါ လက်ရှိ လမ်းကြောင်းတွေ၊ Schedule တွေက အဆင်မပြေဖြစ်နေတာ၊ လမ်းကြောင်းတွေထပ်နေတာ၊ နှောက်နှေးနေတာ ဖြစ်ပါက အမှတ်စဉ် (၄) မှာဖော်ပြထားတဲ့ အဖွဲ့သုံးဖွဲ့နဲ ညှိပြီး လမ်းကြောင်း၊ Schedule တွေကို ပြင်ဆင်ပါ။

Delivery ကားပျက်သွားခြင်း သို့မဟုတ် အရေးကြီး Sales Order များပို့စရာ ကြုံလားခြင်း၊ ကြိုတင်မမြင်နိုင်သော အခြေအနေများ (မိုးကြီး၊ ရေလျှံ၊ လမ်းပိတ်) စသည်တို့ ဖြစ်ပေါ်လာပါက လမ်းကြောင်းများနှင့် အချိန်ဇယားများကို အချိန်နှင့်တပြေးညီ ပြောင်းလဲ ချိန်ညှိရန် လိုအပ်ပါတယ်။

 

6. Delivery ကားပေါ်ကို ပို့စရာပစ္စည်းများတင်ခြင်း လုပ်ငန်းစဉ်

Delivery ကားပေါ်ကို ဆွဲထားတဲ့ လမ်းကြောင်းနဲ့ Schedule အတိုင်း ပို့စရာပစ္စည်းတွေတင်တဲ့အခါ အလျင်စလို တွေ့တာ ကောက်တင်တာမျိုးလုပ်ပါက လမ်းမှာပိုပြီးကြန့်ကြာသွားတာမျိုးဖြစ်နိုင်ပါတယ်။ Delivery လုပ်တဲ့အခါမှာ လွယ်ကူ၊ မြန်ဆန်၊ မှန်ကန်ပြီး စမတ်ကျကျ ပို့နိုင်အောင် အောက်ပါအချက်တွေ လုပ်ဆောင်ရမှာဖြစ်ပါတယ်။

6.1 နောက်ဆုံးပို့ရမယ့်ပစ္စည်းကို အရင်ဆုံးတင်ပါ။

• ပထမဦးစွာ လမ်းကြောင်းဆွဲထားတဲ့ Customer စာရင်းကို ကြည့်ပြီး နောက်ဆုံးပို့ရမယ့် Customer ရဲ့ပစ္စည်းတွေကို အတွင်းဆုံးကျတဲ့နေရာမှာ အရင်ဆုံးနေရာချပါ။ 
• (ဆိုတော့) အရင်ဆုံးပို့ရမယ့်ပစ္စည်းက နောက်ဆုံးမှာ တင်ရမှာဖြစ်ပြီး ကားနောက်ပိတ်တံခါးနဲ့အနီးဆုံးနေရာမှာ ရှိနေရမှာပါ။ 
• ပို့ရမယ့် ပစ္စည်းအနည်းအများကို ကြည့်ပြီး နေရာဆံ့အောင် စဉ်းစားစီစဉ်ပြီးမှတင်ပါ။

6.2 ပစ္စည်းများ၊ ဂျပ်ပုံးများကို Delivery ကားပေါ်မှာနေရာချခြင်း

အရွယ်အစားနှင့် ပုံသဏ္ဍာန်- ဂျပ်ပုံးများကို အရွယ်အစားနှင့် ပုံသဏ္ဍာန်အလိုက် အုပ်စုဖွဲ့ပါ။ ပိုကြီး၊ ပိုခိုင်ခံ့တဲ့ဂျပ်ပုံးများကို အောက်ဆုံးအလွှာမှာ နေရာချပြီး နှင့် သေးငယ်၊ ပေါ့ပါးတဲ့ ဂျပ်ပုံးများကို အပေါ်ဘက်တွင်ထားပါ။

ပစ္စည်းအလေးချိန် - ပို့ရမယ့်ပစ္စည်းတွေထဲမှာ ဝိတ် (weight)များတာတွေပါခဲ့ရင် ကားပေါ်မှာ တစ်ဖက်သတ်ထည်း မတင်ပဲ ဘယ်၊ညာ ဝိတ်ညီအောင် မျှ၊​ ဖြန့်ထားပါ၊​ ပစ္စည်းတွေကို အောက်ဆုံးအလွှာနဲ့ ကားရှေ့ပိုင်းမှာ ထားပါ။ ဒါမှ ကားမောင်းနေစဉ် ကုန်းအတက်/အဆင်း နဲ့ အကွေ့တွေမှာ အန္တရာယ်ကင်းမှာ ဖြစ်ပါတယ်။

Fragile Items - ပျက်စီး ကွဲရှလွယ်သော ပစ္စည်းများကို အပေါ်ဆုံးအလွှာတွေမှာတင်ပြီး မြင်သာထင်ရှားအောင် အမှတ်အသားပြုထားပါ။

 

7. Delivery ကားပေါ်မှ ပစ္စည်းများကို လက်ခံမည့်သူ (Customer) ထံသို့ ချ/လွှဲပြောင်း ပေးခြင်း

 

နေ့စဉ်ပို့ပေးရတဲ့ ပစ္စည်းတွေဟာ ဂျပ်ပုံးအပြည့် မဟုတ်ပဲ အပြေတွေပါ ပို့ပေးရလို့ရှိရင် လက်ခံတဲ့ သူကို  DO  အတိုင်း Item တစ်ခုချင်း၊ တစ်ကြောင်းချင်း စီ စစ်ဖို့ပြောပါ။ နေ့စဉ်လက်ခံနေကျ Customer ဆိုရင် ပစ္စည်းလက်ခံရင်းနှင့် ရင်းနှီးနေတဲ့အတွက် လာပို့တဲ့ အရေအတွက်က မှန်မှာပဲ၊ လူရင်းတွေပဲ ဆိုပြီး ပစ္စည်းလက်ခံ / စစ် တဲ့အခါ သေချာမစစ်ပဲ, ပစ္စည်းလက်ခံရှိကြောင်း လက်မှတ်ထိုးပေးလိုက်တာမျိုးကို လာပို့တဲ့သူ (Delivery Man က လက်မခံသင့်ပါ၊

အကြောင်းအမျိုးမျိုးကြောင့် လာပို့တဲ့ ပစ္စည်းစာရင်းက ကွာတတ်၊​ လွဲတတ်တာမို့ - ပို့ခဲ့တဲ့ Delivery အဖွဲ့ ရုံးကိုပြန်ရောက်မှ (သို့မဟုတ်) နောက်တစ်ရက်ကျမှာ လက်ခံတဲ့ သူက ပစ္စည်းအရေအတွက်လျော့နေ၊ အမျိုးအစား လွဲနေကြောင်း အကြောင်းကြားလာရင် ​ ပြန်ဖြေရှင်းရလည်း ခက်ပါတယ်။

 

နိဂုံး

Sales Order Delivery Process ကို မှန်မှန်ကန်ကန် ထိထိရောက်ရောက် လုပ်ဆောင်နိုင်ပါက အချိန်နှင့်တစ်ပြေးညီ ပို့ဆောင်ပေးခြင်း၊ လုပ်ငန်းလည်ပတ်မှုကုန်ကျစရိတ်များကို လျှော့ချပေးခြင်း၊ Customer များရဲ့ စိတ်ကျေနပ်မှုကို မြှင့်တင်ပေးခြင်း စတဲ့ ကောင်းကျိုးတွေ ရရှိမှာဖြစ်ပါတယ်။ သင့်တော်မှန်ကန်သောကိရိယာများ၊ စက် / ယာဉ်များနှင့် နည်းစနစ်များကို အသုံးပြုခြင်းဖြင့် Delivery  လုပ်ငန်းစဉ်ကို ချောမွေ့စေပြီး စိန်ခေါ်မှုအမျိုးမျိုးကို ထိရောက်စွာ ကိုင်တွယ်နိုင်မှာဖြစ်ပါတယ်။

ဆက်စပ် ဆောင်းပါး၊ Blog များ

1. စကားမပြောသော အမှန်တရားများနှင့် ကခုန်ခြင်း - အပိုင်း ( ၁ )
2. What is the process of FIFO & LIFO (FIFO & LIFO အကြောင်း)
3. Warehousing ဆိုင်ရာ အခြေခံ ဝေါဟာရ၊ အသုံးအနှုန်းများ (Basic Warehousing Terms )
4. Cycle Count Vs. Annual Stock Count ကွဲပြားချက် နှင့် အားနည်းချက်၊ အားသာချက်များ
5. စတော့ ဘယ်လိုကောက်ကြမလဲ - Stock Count Procedure
6. ပဲလက် ပေါ် ဂျပ်ပုံး ခွေခြင်း,  Carton Stacking Method on Pallet
7. Brief of Logistics (Logistics အကြောင်း လို၊ တို၊ ရှင်း)

8. Part (1) Warehouse ထဲက ပစ္စည်းထုတ်ပေးတဲ့အခါ အပြေ (Loose) တွေထုတ်ပေး နေရရင် Stock စစ်တဲ့အခါ လွယ်/ကိုက်အောင် ဘယ်လိုလုပ်မလဲ?

9.  Part (2) Warehouse ထဲက ပစ္စည်းထုတ်ပေးတဲ့အခါ အပြေ (Loose) တွေလည်း ထုတ်မယ်၊ Stock စစ်ရင်လည်း ကိုက်အောင် လုပ်ကြမယ်။
10. ပဲလက် မှိုတက် (Mold On The Pallet)
11. Unloading and Receiving (ပစ္စည်းချခြင်းနှင့် ပစ္စည်းလက်ခံခြင်း)
12. Putaway Process (Warehouse ထဲမှာ ပစ္စည်းများကို သူ့နေရာ နှင့် သူ နေရာချခြင်း)
13. Efficient Picking  (မှန်ကန်မြန်ဆန်စွာ ပစ္စည်းကောက်နည်း)
14. Packing and Dispatch Procedure (အော်ဒါပစ္စည်း ထုပ်ပိုးခြင်းနှင့် ထုတ်ပေး‌ခြင်း)

 

Packing and Dispatch Procedure (အော်ဒါပစ္စည်း ထုပ်ပိုးခြင်းနှင့် ထုတ်ပေး‌ခြင်း)

Packing and Dispatch Proceses

Packing and Dispatch Process ဟာ Picking Process နဲ့ ပစ္စည်းပို့တဲ့ အဖွဲ့၊ ကား (Delivery Team) ဆီသို့ Order တွေကို မှန်ကန် သေချာအောင် ကောက်ယူ၊ စစ်ဆေးပြီး ပို့ဆောင်ဖို့ အသင့်ဖြစ်အောင် စီစဉ်ပေးရတဲ့ လုပ်ငန်းစဉ်တွေပါ။ ဒီကဏ္ဍဟာလည်း Warehouse ဝိုင်းတော်သားများအတွက် အရေးပါတဲ့ လုပ်ငန်းစဉ် ဖြစ်တာမို့ အောက်ပါအတိုင်း အဆင့် (၁၀) ဆင့်ခွဲပြီး ဖော်ပြပေးထားပါတယ်။

 

၁။ စိစစ်ခြင်း

Picking လုပ်ထားတဲ့ ပစ္စည်းတွေကို Packing မလုပ်ခင် ပြန်စစ်တဲ့ရပါမယ်။ Packing Checker မှ Sales Order နဲ့ မှန်၊ မှန် တိုက်စစ်တဲ့အခါ ပစ္စည်းအမျိုးအမည်၊ ပစ္စည်းအမျိုးအစား၊ (ဥပမာ၊ ဆိုဒ်အကြီးအသေး၊ ဘယ်ဖက်ညာဖက်)၊ အရေအတွက် စသည်တို့ကို မှန်မမှန် စိစစ်ရပါမယ်။ ထို့အပြင် ကိုယ်ထုတ်ပေးမယ့် ပစ္စည်းမှာ Batch Number တွေ၊ သက်တမ်းကုန်ဆုံးရက် (Expiry Date) တို့ ပါ ပါကလည်း အထူးစိစစ်ဖို့ လိုအပ်ပါတယ်။

 

၂။ QC စစ်ခြင်း၊  

တစ်ချို့ Warehouse တွေမှာ “စီစစ်ခြင်း” Process ကို QC စစ်တယ်လို့ ခေါ်ကြပါတယ်၊ တကယ်တော့ ပို့မယ့်ပစ္စည်းတွေမှာ အပျက်အစီးတွေပါလား၊ သတ်မှတ်ထားတဲ့ စံချိန်စံညွှန်းနဲ့ကိုက်ရဲ့လား၊ (စက်ပစ္စည်း (သို့) လျှပ်စစ်ပစ္စည်းတွေဆိုရင် ပုံမှန် အနေအထားအတိုင်း အလုပ်လုပ်ရဲ့လား) စသည်ဖြင့် စစ်တာကို QC စစ်တယ်လို့ ခေါ်တာပါ။ ပစ္စည်းမပို့ခင် QC စစ်ခြင်းဟာ အော်ဒါမှာတဲ့ Customer တွေရဲ့ စိတ်ကျေနပ်မှု ရရှိစေပြီး၊​ ပစ္စည်းပြန်ယူ၊ ပြန်လဲပေးရတဲ့ စရိတ်လုပ်ငန်းစဥ်တွေလျှော့ချစေတာကြောင့်  ကုမ္ပဏီအတွက် အရေးပါတဲ့ လုပ်ငန်းစဉ်တစ်ခုဖြစ်ပါတယ်။

 

၃။ သင့်တော် မှန်ကန်သောထုပ်ပိုးပစ္စည်း ရွေးခြယ်ခြင်း

Picking ကောက်ပြီးနောက် Dispatch လုပ်ရမယ့်ပစ္စည်းအမျိုးအစား တော်တော်များများဟာ Original Packig / box တွေနဲ့လာတားများပြီး၊  အနည်းဆုံးအော်ဒါ (Minimum Order Quantity – MOQ) ကို ဂျပ်တစ်ပုံးမှာပါတဲ့ အရေအတွက်အတိုင်း ရောင်းလေ့၊ မှာလေ့ ရှိတာမို့ Dispatch လုပ်ခင် ဖွင့်၊ ဖောက်၊ စစ် ပြီး ပြန်ပိတ်ရုံပါပဲ။

ဒါပေမယ့် ပို့ရမယ် ပစ္စည်းက တစ်ခုချင်း (သို့မဟုတ်) အပြေ (Loose)တွေကို ပို့ရတော့မယ်ဆိုရင်တော့၊ ပစ္စည်းရဲ့ ဆိုဒ်၊ အလေးချိန်၊ ကျိုးပဲ့ကွဲလွယ်နိုင်မှု၊ ပစ္စည်းတန်ဖိုး စသည်တို့အပေါ်မူတည်ပြီး ၊ ပို့တဲ့လမ်းမှာ ပျက်စီး ဆုံးရှံးမှု မရှိအောင် သင့်တော်တဲ့ ဂျပ်ပုံး၊ ရေမြုတ်ပူဖောင်းပလပ်စတစ်ချပ်များ၊ လေအိပ်များ စသည်တို့ကို စနှစ်တကျ ရွေးချယ်ပြီး ထုပ်ပိုးရပါမယ်။ ထုပ်ပိုးပစ္စည်း အချို့ကို ဓါတ်ပုံနှင့်တကွ ဖော်ပြထားပေးပါတယ်။

 

Airpouch - လေအိပ်ချပ်

Bubble Bag - ရေမြုတ်ပူဖောင်း အိပ်

Bubble Sheet / Rollရေမြုတ်ပူဖောင်းချပ် (အလိပ်လိုက်လာတာများ)

Packing Foam - ရေမြုတ်ချပ်

၄။ Packing လုပ်ခြင်း

Packing လုပ်တဲ့အခါမှာ၊ (အထူးသဖြင့် Loose Item တွေကို Packing လုပ်တဲ့အခါမှာ) အပြင်ဂျပ်ပုံးနဲ့ အထဲကိုထည့်ရမည့် ပစ္စည်းတွေက ကွက်တိမကျပဲ ချောင်နေ၊ ဟာနေပါက ပစ္စည်းပို့ရာ လမ်းကြောင်းတစ်လျှောက် အတွင်းကပစ္စည်းတွေမပျက်စီးစေရန် ဖေါ့၊ ပလပ်စတစ်၊ စက္ကူ၊ ရေမြုတ်၊ လေခေါင်းအုံး စသည်တို့နှင့် ချောင်နေ၊ ဟာနေတဲ့နေရာတွေကို ဖြည့်ပါ။

The crimp of the paper pad (စက္ကူလိပ်၊ စက္ကူလုံး)

လေခေါင်းအုံး

 

၅။ ဂျပ်ပုံးအား တောင်းတင်း လုံခြုံအောင် Packing ပြုလုပ်ခြင်း

ဂျပ်ပုံးကို တိပ်နှင့်ပိတ်တဲ့အခါမှာလည်း ကော်ကပ်အား ကောင်းတဲ့ တိပ်သားကိုသုံးသင့်ပါတယ်၊ တိပ်ပိတ်ရမယ့်နေရာမှာ အရင်ကတိပ်အဟောင်း ရှိပါက ခွါပြီးကပ်ရင် ပိုကပ်အားကောင်းပြီး လမ်းမှာ ပွင့်၊ ပေါက်နိုင်ချေ နည်းပါတယ်။

ပစ္စည်းအမျိုးအစား နှင့် ဂျပ်ပုံးအနေအထား ပေါ်မူတည်ပြီး တိပ်ပိတ်ရုံနှင့် မလုံလောက်ပါက ပလပ်တစ် Wrapping (Stratch Film), သိုင်းကြိုးပြား (Strapping Band), ထောင့်ချုပ် (Vboard) စသည့် သင့်တော်မှန်ကန်တဲ့ Packing ပစ္စည်းကို လိုအပ်သလို သုံးသင့်ပါတယ်။ ဒါမှ ပို့လိုက်တဲ့ ပစ္စည်းတွေဟာ Customer ဆီမရာက်ခင် လမ်းမှာ အပျက်အစီး အပျောက်အရှနည်းပြီး၊ Company အတွက် မလိုအပ်တဲ့ ဆုံးရှုံးမှုကို လျှော့ချပေးနိုင်သလို Customer ရဲ့ ကျေနပ်မှုလည်းရတာပေါ့။

 

Stratch Film

 Strapping Band - သိုင်းကြိုးပြား အဝါ နှင့် အစိမ်း

ကဒ်ထူထောင့်ချုပ် (Vboard)

၆။ ပို့ဆောင်ရန် အညွှန်းနှင့် လိပ်စာ တပ် / ရေးခြင်း (Shipping Label And Adddress)

Packing ပြီးသွားရင် - Packing ပုံးတွေရဲ့အပြင်မှာ ပို့ဆောင်ရန် အညွှန်းနှင့် လိပ်စာ (Shipping label and Address) ကို တပ် / ကပ် / ရေးပေးဖို့ လိုပါတယ်။ Shipping Label မှာ အောက်ပါအချက် (၃) ချက် အဓိက မပါမဖြစ် ပါရပါတယ်၊

·       ပေးပို့သည့် သူ  / Company ၏ လိပ်စာ

·       လက်ခံမည့်သူ (Customer အမည်) နှင့် လိပ်စာ

·       အမှာစာ အမှတ် Sales Order Number (PO – Purchase Order Number)

အခြားအချက်အလက်များ အနေနှင့် ပေးပို့သူ Company ၏ လိုအပ်ချက်အရ ကိုးကားရန် (SKU number, weight , barcode, Item code, location code) စသည်တို့ကိုလည်း ထည့်သွင်းနိုင်ပါတယ်။

ပို့မယ့်ပစ္စည်းက ကွဲစရာ (သို့မဟုတ်) ဂရုတစိုက်ကိုင်တွယ်ရမယ့်ပစ္စည်း အမျိုးအစားဆိုရင် သက်ဆိုင်တဲ့ သင်္ကေတကို ဂျပ်ပုံးပေါ်မှာ အမှတ်အသားပြုတာ၊  စတစ်ကာ ကပ်တာမျိုးလည်း လုပ်သင့်ပါတယ်။

Shipping Label

Shipping Label - Spare Care

၇။ စာရွက်စာတမ်းများ ကို Packing နှင့် အတူတွဲထားခြင်း၊

သက်ဆိုင်သည့်စာရွက်စာတမ်းများ ဖြစ်သည့် DO (Delivery Order)၊ Packing Slip (ထုပ်ပိုးမှု ပုံစံနှင့် စာရင်း)၊ Invoice (ဘောင်ချာ) စသည်တို့ကို သက်ဆိုင်ရာ Packing များနှင့်အတူတွဲထားပေးပါ။

 

၈။ Delivery Team ဆီသို့မလွှဲခင် နောက်ဆုံး စစ်ဆေးခြင်း

နောက်ဆုံးစစ်ဆေးခြင်း အနေနှင့် Packing ဂျပ်ပုံး တွေကို သေချာ ပိတ်/ထုတ်ထားရဲ့လား၊ လေဘယ်တွေ၊ စာရွက်စာတမ်းတွေ မှန်ရဲ့လား စသည်ဖြင့် စစ်ဆေးပါ၊ ပြီးနောက် ထုပ်ပိုးထားတဲ့ ပစ္စည်းများကို Dispatch Area ကို ရွှေ့လို့ရပါပြီ။ Picking အားလုံးပြီးနေပြီဖြစ်လို့ တစ်ခုခုလွဲသွားတာနဲ့ အလုံးအရင်းနဲ့ လွဲသွားမှာ ဖြစ်လို့ နောက်ဆုံးစစ်ဆေးခြင်း (Final Checking) ဟာ မဖြစ်မနေ လုပ်သင့်တဲ့ အရာတခုပါ။

 

၉။ Packing များကို ရွေးထုတ်ပြီးလမ်းကြောင်းဆွဲခြင်း

Dispatch လုပ်ရမယ့် ပစ္စည်းတွေကို ပို့ပေးရမယ့် နေရာ၊ မြို့၊ ဦးစားပေးအဆင့်ပေါ်မူတည်ပြီး ပစ္စည်းများကို ရွေးထုတ်၊ လမ်းကြောင်းဆွဲပါ။ ရွေးထုတ်၊ လမ်းကြောင်းဆွဲထားတဲ့ပစ္စည်းတွေကို ပစ္စည်းပို့ရမယ့်အချိန်ဇယား (Schedule) နှင့်ကိုက်ပြီး Delivery ကားပေါ် အလွယ်တကူတင်နိုင်မယ့်နေရာ (Dispatch Area) မှာ ထားပါ။

 

၁၀။ Dispatch

Dispatch လုပ်ငန်းစဉ်ဟာ Packing and Dispatch လုပ်ငန်းစဉ်၏ နောက်ဆုံးဖြစ်ပါတယ်။

Dispatch Area မှာထား ထားတဲ့ ပစ္စည်းများကို သက်ဆိုင်တဲ့ စာရွက်စာတမ်းတွေနဲ့ အတူ Delivery Team သို့မဟုတ် ပစ္စည်းပို့မယ့်အဖွဲ့ကို လုပ်ငန်းစဉ် (၉)မှာ ဆွဲထားတဲ့ လမ်းကြောင်း၊ အချိန်ဇယားအတိုင်း ထုတ် ပေးပါ။

Delivery အဖွဲ့ကိုလွှဲ‌ပေးတဲ့ အခါမှာ အရေးအကြီးဆုံးကတော့ Warehouse ထဲမှထုတ်ပေးပြီးကြောင်း၊ GIN (Good Issue Notes) မှာ Delivery Team က လက်ခံရရှိကြောင်း လက်မှတ်ယူထားပြီး ထုတ်ပေးတဲ့အချိန်ပါမှတ်သားပြီးပါက Picking and Dispatch လုပ်ငန်းစဉ်ပြီးဆုံးသွားပါပြီ။

 

Warehouse dispatch SO to Delivery Van

နောက်အခန်းမှာတော့  Delivery အကြောင်းကို ဖော်ပြသွားမှာ ဖြစ်ပါတယ်။ 

ဆက်စပ် ဆောင်းပါး၊ Blog များ

1. စကားမပြောသော အမှန်တရားများနှင့် ကခုန်ခြင်း - အပိုင်း ( ၁ )
2. What is the process of FIFO & LIFO (FIFO & LIFO အကြောင်း)
3. Warehousing ဆိုင်ရာ အခြေခံ ဝေါဟာရ၊ အသုံးအနှုန်းများ (Basic Warehousing Terms )
4. Cycle Count Vs. Annual Stock Count ကွဲပြားချက် နှင့် အားနည်းချက်၊ အားသာချက်များ
5. စတော့ ဘယ်လိုကောက်ကြမလဲ - Stock Count Procedure
6. ပဲလက် ပေါ် ဂျပ်ပုံး ခွေခြင်း,  Carton Stacking Method on Pallet
7. Brief of Logistics (Logistics အကြောင်း လို၊ တို၊ ရှင်း)

8. Part (1) Warehouse ထဲက ပစ္စည်းထုတ်ပေးတဲ့အခါ အပြေ (Loose) တွေထုတ်ပေး နေရရင် Stock စစ်တဲ့အခါ လွယ်/ကိုက်အောင် ဘယ်လိုလုပ်မလဲ?

9.  Part (2) Warehouse ထဲက ပစ္စည်းထုတ်ပေးတဲ့အခါ အပြေ (Loose) တွေလည်း ထုတ်မယ်၊ Stock စစ်ရင်လည်း ကိုက်အောင် လုပ်ကြမယ်။
10. ပဲလက် မှိုတက် (Mold On The Pallet)
11. Unloading and Receiving (ပစ္စည်းချခြင်းနှင့် ပစ္စည်းလက်ခံခြင်း)
12. Putaway Process (Warehouse ထဲမှာ ပစ္စည်းများကို သူ့နေရာ နှင့် သူ နေရာချခြင်း)
13. Efficient Picking  (မှန်ကန်မြန်ဆန်စွာ ပစ္စည်းကောက်နည်း)

Efficient Picking (မှန်ကန်မြန်ဆန်စွာ ပစ္စည်းကောက်နည်း)

Efficient Picking  (မှန်ကန်မြန်ဆန်စွာ ပစ္စည်းကောက်နည်း)

Picking, Packing and Dispatching တွေဟာ ဆက်စပ် ပြီး အရေးပါတဲ့ လုပ်ငန်းစဉ်တွေပါ၊

System တစ်မျိုးမျိုးသုံးတဲ့ Warehouse တွေမှာတော့ Picking Process မှာ System က အတော်လေး အထောက်အကူရပါတယ်။

ဒီအခန်းမှာ ဖော်ပြမှာက System မသုံးသေးတဲ့ သမားရိုးကျ Warehouse တွေမှာ Picker များက ပစ္စည်းထားတဲ့နေရာကို သွားပြီးကောက်ရတဲ့ လုပ်ငန်းစဉ် (Person-to-Goods) ကို အသားပေး ဖေါ်ပြသွားပါမယ်၊ ဒါမှ Picking Process ကိုအဆင့်ဆင့် ဘယ်လိုလုပ်ရလဲ၊ ဘယ်လိုလုပ်သင့်လဲ ဆိုတာ လေ့လာကိုးကားလို့ရသလို၊​ Warehouse မှာ System သုံးတော့မယ်ဆိုရင်လည်း System ထဲမှာ ဘာတွေထည့်သင့် / ပါသင့်လဲ ဆိုတာ အလွယ်တကူ စဉ်းစားလို့ရမှာပါ။

Picking Process ဟာ Warehouse ထဲကကုန်ပစ္စည်းများကို Sales Order (သို့မဟုတ်) Stock Movement Order (SMO) အတိုင်း ကောက်ယူခြင်းနှင့် Dispatch ဧရိယာသို့ မှန်ကန်မြန်ဆန်စွာ ရွှေ့ပြောင်းရသည့် လုပ်ငန်းစဉ် ဖြစ်ပြီး အောက်ပါအဆင့်တွေ အဓိက ပါဝင်ပါတယ်။

 

Planning before Pick (ပစ္စည်းမကောက်ခင် ကြိုတင်စီစဉ်ခြင်း)

• ပစ္စည်းကောက်ချိန်ဇယား (Picking Schedule) သတ်မှတ်ခြင်း။

Warehouse ဟာ အရောင်းဌာနမှ SOတွေကို Pick, Pack and Dispacth လုပ်ဖို့ အချိန်မရွေး လက်ခံရရှိနိုင်ပါတယ်။ Warehouse ဝိုင်းတော်သားများဟာ SO ကိုလက်ခံရရှိသည့်အခါတိုင်းသာ ပစ္စည်းကောက်နေရပါက ဝိုင်းတော်သားများ အားလုံးအလုပ်ရှုတ် ပင်ပန်းပြီး ၊ အလုပ်မတွင်နိုင်ပါဘူး။ Warehouse မှာ Pick, Pack and Dispacth လုပ်ဖို့ သင့်လျော်သော အချိန်ဇယားဆွဲထားမှသာ Picking အတွက် ပြင်ဆင်ဖို့ အချိန်ရပြီး မှန်ကန်၊မြန်ဆန်စွာ လုပ်ဆောင်နိုင်မှာ ဖြစ်ပါတယ်။ (ဥပမာ၊ တစ်နေ့ (၃) ကြိမ် (10 AM, 2 PM and 4 PM) စသည်ဖြင့်)။

•  ပစ္စည်း ကောက်ဖို့ လမ်းကြောင်းဆွဲခြင်း

Picker များက ပစ္စည်းထားတဲ့နေရာကို သွားပြီးကောက်တဲ့ Picking စနှစ် (Person-to-Goods) မှာ ဆိုရင် ပစ္စည်းကောက်ဖို့ လမ်းကြောင်းဆွဲရတာကို အချိန်ပေးပြီး သေချာ စီစဥ်ရမှာပါ။ Picking list  အား သက်ဆိုင်ဌာနမှ လက်ခံရရှိပြီးလျှင် - Picking list  ပါ Item များရှိသည့် Location များကို စီစစ်ပြီး လမ်းကြောင်းဆွဲ၊ Plan ချပါ။

Picking အတွက် Plan ချရာတွင် ရှေ့အခန်း တွင်ဖော်ပြထားသော ABC Putaway method နဲ့ location အမှီပြုပြီး Picking Route (ပစ္စည်းကောက်ရမည့် လမ်းကြောင်း) ကိုဆွဲပါ၊ လမ်းကြောင်းဆွဲတဲ့အခါမှာ SO / Pick List များမှာမှာပါတဲ့ Item တွေ တူနေပါက - SO တစ်ခုထက်ပိုပြီးလည်း ထည့်လို့ရပါတယ် 

•    Picking အတွက် လိုအပ်သော ကိရိယာများနှင့် ပစ္စည်းများကို ပြင်ဆင်ခြင်း

မိမိ Warehouse ထဲက Pick လုပ်ရမယ့် ပစ္စည်းအမျိုးအစား၊ ထားသိုမှုပုံစံ အပေါ်မူတည်ပြီး Picking ကောက်ရာမှာ လိုအပ်၊ သင့်တော်၊ အသုံးတည့်ပြီး လိုက်လျှောညီထွေရှိမယ့် ပစ္စည်းကရိယာများကို Picker များနှင့် အနီးဆုံးနေရာ မှာ အသင့်ရှိနေပါစေ။ (ဥပမာ၊ Pen, “Pen-Knife”, Click Board, Bin, Trolley, Pallets, Pallet Jacks, Reach Truck, Forklift, Mobile Ladder,စသည်။)

 

•      ပစ္စည်းကောက်ရာ လမ်းကြောင်းတစ်လျှောက် မှာ အတားအဆီးများရှိရင် ရှင်းထားပါ၊ (ဥပမာ၊ အသုံးမပြုသောပဲလက်များ၊ ဂျပ်ပုံး အခွံများ စသည်ဖြင့်)

 

ပစ္စည်းကောက်ယူခြင်း၊ (Picking)

1. Picking Paper တွင် Picking စတင်ကောက်မည့်အချိန်အား မှတ်သားပါ။
2. မိမိ ကောက်မည့် Item အမျိုးအစားအတွက် လိုအပ်၊ သင့်တော်သည့် ပစ္စည်းကရိယာများကို တပါတည်း ယူဆောင်သွားပါ။
3. မိမိ Plan / လမ်းကြောင်းဆွဲထားသည့် အတိုင်း ကောက်ယူပါ။
4. (ကောက်ရမည့် ပစ္စည်းများသည် Racking များ၏ လက်လှမ်းမမှီသော အပေါ်အလွှာတွင်ရှိပါက သင့်တော်သော ကရိယာ၊ စက်ပစ္စည်းများကို အသုံးပြုပြီးမှ ကောက်ပါ။ (ဥပမာ၊ Racking ရဲ့ ၂လွှာမှာ ထားတဲ့ အတန်အသင့် လေးတဲ့ ပစ္စည်းကို Forklift / Mobile Ladder မသုံးပဲ Picker ကိုယ်တိုင် တက်ယူတာမျိုးကို ရှောင်ကျဉ်ပါ၊)
5. Picking ကောက်ပြီးသော Item များကို Picking list တွင်ကောက်ယူပြီးကြောင်း  အမှတ်အသားပြုပါ။
6. ထို့နောက် Checker မှ Picker ကောက်ထားတဲ့ ပစ္စည်းနှင့် Picklist ကို မှန် / မမှန် တိုက်ဆိုင် စစ်ဆေးပါ။
7. Checker လုပ်တဲ့သူဟာ Picking Incharge (or) Picking Supervisor (or) QC တစ်ယောက်ယောက် ဖြစ်ရပါမယ်၊ (Picker နဲ့ Checker ဟာ တစ်ယောက်ထည်း မဖြစ်သင့်ပါဘူး)။
8. စစ်ဆေးပြီးပါက Picking List တွင် Picker နှင့် Checker နှစ်ယောက်လုံး လက်မှတ်ထိုးပြီး နာမည်ရေးပါ။
9. Picking လုပ်ခြင်းလုပ်ငန်းစဉ်များပြီးဆုံးပါက Picking Paper ပေါ်တွင် ပြီးဆုံးချိန်အား မှတ်သားပါ။

 

Sent to Packing Station (ကောက်ယူပြီး Item များကို Packing ဌာနကိုရွှေ့ခြင်း)

• Picking ကောက်ပြီးသား SO တွေကို သူ့အုပ်စုနဲ့သူ BIN ထဲမှာ (သို့မဟုတ်) ပဲလက်ပေါ်ခွဲထားပြီး Packing လုပ်မယ့်နေ့ရာကို ရွှေ့ပါ၊
• Picking ကောက်ထားတဲ့ ပစ္စည်းအပုံ (သို့မဟုတ်) BIN ထဲမှာ (သို့မဟုတ်) ပဲလက်ပေါ်ပေါ်မှာ သက်ဆိုင်တဲ့ Picklist ကို တင်ထားပါ။ 

Picking Process ဟာ Warehouse ရဲ့ အရေးပါဆုံး Processes တွေထဲက တစ်ခုဖြစ်ပါတယ်။ ဒီStage မှာ Item မှားကောက်တာ၊ ပို/လို ကောက်မိတာ စသည်ဖြင့် Error တော်တော်များများ ဖြစ်လေ့ရှိတာကြောင့် Picking process မှာပါတဲ့ အဖွဲ့သားအားလုံးဟာ ကိုယ်လုပ်ရတဲ့ ကဏ္ဍတိုင်းမှာ ဂရုတစိုက် လုပ်သင့်ပါတယ်၊ ဒါမှ မှားကောက်မိလို့ Picking နှစ်ခါပြန်လုပ်ရတာ၊ Item အမှားကို Customer ဆီပို့မိလို့ Return ပြန်ခေါ်၊ ပြန်ပို့ရတာ စတာတွေ လုပ်စရာမလိုပဲ အချိန်ရော ငွေ(Cost)ပါ သက်သာစေမှာ ဖြစ်ပါတယ်။

နောက်အခန်းမှာတော့ SO Packing နဲ့ Dispatch အကြောင်း ဖော်ပြသွားမှာ ဖြစ်ပါတယ်။

ကျနော့ရဲ့ Blog / Page ဟာ Knowledge Sharing (ဗဟုသုတ မျှဝေခြင်း) သက်သက်သာဖြစ်လို့ ပိုမို ပြည့်စုံသွားအောင် မိတ်ဆွေတို့လည်း Comment Box မှာ ဝင်ရောက်ဆွေးနွေးသွားပါဦး။

လွပ်လပ်စွာ Share နိုင်ပါတယ်ဗျ၊ ကော်ပီ တော့ မကူးပါနဲ့လား။

God Bless You 🙏

Zarni Oo (Progistics)

https://progistics.blogspot.com/

ဆက်စပ် ဆောင်းပါး၊ Blog များ

1. စကားမပြောသော အမှန်တရားများနှင့် ကခုန်ခြင်း - အပိုင်း ( ၁ )
2. What is the process of FIFO & LIFO (FIFO & LIFO အကြောင်း)
3. Warehousing ဆိုင်ရာ အခြေခံ ဝေါဟာရ၊ အသုံးအနှုန်းများ (Basic Warehousing Terms )
4. Cycle Count Vs. Annual Stock Count ကွဲပြားချက် နှင့် အားနည်းချက်၊ အားသာချက်များ
5. စတော့ ဘယ်လိုကောက်ကြမလဲ - Stock Count Procedure
6. ပဲလက် ပေါ် ဂျပ်ပုံး ခွေခြင်း,  Carton Stacking Method on Pallet
7. Brief of Logistics (Logistics အကြောင်း လို၊ တို၊ ရှင်း)

8. Part (1) Warehouse ထဲက ပစ္စည်းထုတ်ပေးတဲ့အခါ အပြေ (Loose) တွေထုတ်ပေး နေရရင် Stock စစ်တဲ့အခါ လွယ်/ကိုက်အောင် ဘယ်လိုလုပ်မလဲ?

9.  Part (2) Warehouse ထဲက ပစ္စည်းထုတ်ပေးတဲ့အခါ အပြေ (Loose) တွေလည်း ထုတ်မယ်၊ Stock စစ်ရင်လည်း ကိုက်အောင် လုပ်ကြမယ်။
10. ပဲလက် မှိုတက် (Mold On The Pallet)
11. Unloading and Receiving (ပစ္စည်းချခြင်းနှင့် ပစ္စည်းလက်ခံခြင်း)
12. Putaway Process (Warehouse ထဲမှာ ပစ္စည်းများကို သူ့နေရာ နှင့် သူ နေရာချခြင်း)